لە ڕێگای ژمارەیەک چالاکوان و ڕێکخراوێکەوە دەنگی خۆپیشاندانەکانی هەرێم گەیشتونەتە نوسیگەکانی  “بانکی مۆن” و “دۆناڵد ترەمپ” و زیاتر لە ٤٠ ناوەندو ڕێکخراوی دیکەی جیهان”.

بەپێی نامەیەکی تایبەت کە دەستی شارپرێس کەوتووە ڕێکخراوی هاریکاری کوردی ئەمریکی (KAA) لەڕاپۆرتێکی پڕزانیاریدا تەواوی ڕووداوەکانی خۆپیشاندانەکانی هەرێمی گەیاندوەتە چەندین سەرۆک و کەسایەتی سیاسی و ناوەند و ڕێکخراوی جیهانی.

لەڕاپۆرتەکەدا باس لەسوتانی بارەگای هێزە سیاسیەکان و کوژران و بریندارکردنی خۆپیشاندەران و ڕەشبگیری هاوڵاتیان کراوە، هەروەها باس لەڕاگرتنی پەخشی کەناڵەکانی کۆمپانیای نالیاو دەستگیرکردنی شاسوار عەبدولواحید سەرۆکی قەوارەی (نەوەی نوێ) و ئەندامی بۆردی ڕێکخراوی هاریکاری کوردی ئەمریکی (سەرکەوت شەمسەدین) ڕۆژنامەنوسی کرد کراوە.

بەپێی ئەو نامەیەی کە ڕێکخراوی هاریکاری کوردی ئەمریکی بڵاویکردووەتەوە ئەم لیستەی خوارەوە ناوی ئەو کەسایەتیە سیاسی و ناوەندو ڕێکخراوە جیهانیانەیە کەڕاپۆرتەکەی ڕێکخراوی (هاریکاری کوردی ئەمریکی)یان پێ گەیشتوە:

۱. ناوەندو ڕێکخراوە ئەمریکیەکان:
ـ کۆشکی سپی ئەمریکا
ـ کۆنگرێسی ئەمریکا
ـ وەزارەتی دەرەوەی ئەمریکا
ـ سکرتێری پێشوی نەتەوە یەکگرتوەکان (بانکی مۆن)
ـ سەرۆکی ئەمریکا (دۆناڵد ترەمپ)
ـ جێگری سەرۆکی ئەمریکا (مەیک پێنس)
ـ وەزیری دەرەوەی ئەمریکا (ڕێکس تیلەرسن)
ـ پەیمانگای ئاشتی ئەمریکی (واشنتن، ئەمریکا)
ـ ڕێکخراوی فریدەم هاوس (واشنتن، ئەمریکا)
ـ هاوپەیمانی سەلامەتی نێودەوڵەتی (شیکاگۆ، ئەمریکا)
ـ ڕێکخراوی هیومان ڕایتس ۆچ (نیویۆڕک، ئەمریکا)

۲. ناوەندو ڕێکخراوە جیهانیەکان:
ـ مافی مرۆڤی سەربە یەکێتی ئەوروپا (برۆکسل، بەلجیکا)
ـ مافی مرۆڤی سەربە نەتەوە یەکگرتوەکان (ژنێف، سویسرا)
ـ خاچی سوری نێودەوڵەتی (ژنێف، سویسرا)
ـ ڕێکخراوی لێبوردنی نێودەوڵەتی (لەندەن، بەریتانیا)
ـ فیدراسیۆنی مافی مرۆڤی نێودەوڵەتی (پاریس، فەڕەنسا)
ـ کۆمەڵەی مافی مرۆڤی نێودوڵەتی (فرانکفۆرت، ئەڵمانیا)
ـ پەیمانگای جەنگو ئاشتی (لەندەن، بەریتانیا)
ـ ڕێکخراوی بەرگریکردنی هێڵی پێشەوە (دوبلن، ئێرلندا)

۳. ناوەندو ڕێکخراوە ڕۆژنامەوانیەکان:
ـ پەیمانگای ڕاگەیاندنی جیهانی (مینەسۆتا، ئەمریکا)
ـ پەیمانگای ڕاگەیاندنی جیهانگیری (کالیفۆڕنیا، ئەمریکا)
ـ ڕێکخراوی پێنووسی نێودەوڵەتی (لەندەن، بەریتانیا)
ـ سەنتەری پێنووسی ئەمریکی (نیویۆڕک، ئەمریکا)
ـ فیدراسیۆنی ڕۆژنامەوانی نێودەوڵەتی (برۆکسل، بەلجیکا)
ـ فیدراسیۆنی ڕۆژنامەوانی ئەوروپی (برۆکسل، بەلجیکا)
ـ سەنتەری ڕۆژنامەوانی نێودەوڵەتی (واشنتن، ئەمریکا)
ـ سەنتەری ڕۆژنامەوانی ئەوروپی (ئەمستردام، هۆڵندا)
ـ ڕێکخراوی پەیامنێرانی بێ سنوور (پاریس، فەرەنسا)
ـ کۆمیتەی بەرگریکردن لەڕۆژنامەنووسان (نیویۆڕک، ئەمریکا)
ـ کۆمیتەی پەیامنێران بۆ ئازادی ڕاگەیاندن (واشنتن، ئەمریکا)
ـ پەیمانگای ڕۆژنامەوانی نێودەوڵەتی (ڤییەنا، نەمسا)
ـ ڕۆژنامەنووسانی کەنەدا بۆ ئازادی ڕادەربڕین (تۆرنتۆ، کەنەدا)
ـ پەیمانگای ڕاگەیاندنی ئەمریکی (ڤێرجینیا، ئەمریکا)

٤. کونسوڵخانەکان:
ـ نێردەی نەتەوە یەکگرتوەکان/یۆنامی ـ هەولێر
ـ کونسوڵخانەی ئەمریکا ـ هەولێر
ـ کونسوڵخانەی بەریتانیا ـ هەولێر
ـ کونسوڵخانەی فەڕەنسا ـ هەولێر
ـ کونسوڵخانەی ئەڵمانیا ـ هەولێر
ـ کونسوڵخانەی ئیتاڵیا ـ هەولێر
ـ کونسوڵخانەی هۆڵندا ـ هەولێر
ـ کونسوڵخانەی سوید ـ هەولێر
ـ کونسوڵخانەی دانیمارک ـ هەولێر
….

ڕێکخراوی هاریکاری کوردی ئەمریکی (KAA) ڕێکخراوێکی سەربەخۆی قازانج نەویستە لەنۆڤەمبەری ساڵی ۲٠۱۲ لەویلایەتی ڤێرجینیای ئەمریکا لەلایەن ژمارەیەک نوسەرو ڕۆژنامەنووس و چالاکوانی مەدەنیەوە دامەزراوە، ئامانج لەکارەکانی ئەم ڕێکخراوە گەشەپێدانی مەدەنیەتە لەهەرێمی کوردستاندا، هاوکات گەیاندنی هەموو ئەو پێشێلکاریانەی مافی مرۆڤە کەبەرامبەر خەڵکانی ئازادیخوازو سڤیل ئەنجام دەدرێت بەناوەندو ڕێکخراوە ئەمریکی و جیهانیەکان.

ڕێکخراوی هاریکاری کوردی ئەمریکی تۆڕێکی بەرفراوانی جیهانیەو جگە لەچەند ویلایەتێکی ئەمریکا ڕێکخەری هەیە لەهەریەک لەوڵاتانی ئوستڕالیاو کەنەداو بەریتانیاو فەڕەنساو ئەڵمانیاو چەند وڵاتێکی دیکەی ئەوروپا.

ڕێکخراوی هاریکاری کوردی ئەمریکی (KAA)
ڤێرجینیا ـ ئەمریکا

تایبەتمەندییەکان: هەواڵەکان

زیادکردنی وەڵام