نیویۆرك تایمز-ی ئەمەریكی بڵاویكردەوە، كۆشكی سپی پلانی هەیە لە چەند هەفتەی داهاتوودا ریكس تیلەرسۆن وەزیری دەرەوەی ویلایەتە یەكگرتووەكانی ئەمەریكا لە پۆستەكەی دووربخاتەوە.

بەپێی نیویۆرك تایمز، لە جێگەی ریكس تیلەرسۆن وەزیری دەرەوەی ویلایەتە یەكگرتووەكانی ئەمەریكا مایك پۆمپیو بەڕێوەبەری دەزگای هەواڵگری ئەمەریكا CIA دەستبەركار دەبێت.

ئەوەشی خستووەتەڕوو، تۆم كۆتۆن سیناتۆری كۆماری لە جێگەی مایك پۆمپیو بەڕێوەبەری دەزگای هەواڵگری دەستبەكاردەبێت.

رونیشیكردووەتەوە، “هێشتا دیارنییە دۆناڵد ترەمپ سەرۆكی ویلایەتە یەكگرتووەكانی ئەمەریكا رەزامەند دەبێت لەسەر پەسەندكردنی پلانەكە یاخود نا”.

جۆن كێڵی، سكرتێری گشتی كۆشكی سپی رایگەیاندووە، “پلانەكە لەگەڵ بەرپرسانی ئەمەریكا تاوتوێ كراوە”.

كێڵی ئاماژەی بەوەشكردووە، “پلانەكە یان پێش سەری ساڵ یان دوای سەری ساڵ جێبەجێ دەكرێت”.

تایبەتمەندییەکان: هەواڵەکان

زیادکردنی وەڵام