خولی تازه‌ی دان و سانه‌كان ده‌ستی پێ كردووه‌ ، ئه‌مجاره‌ له‌ جاره‌كانی تر ناچێت ، نوێنه‌ری دوو هێزی شكاو و شكست خواردوو له‌ حكومه‌ته‌ ناشرینه‌كه‌یان دا دێنه‌ لاتان به‌ شێوه‌یه‌كی تازه‌ ، ئه‌مجاره‌ نه‌ له‌به‌ر خاتری گۆڕانه‌ نه‌ له‌به‌ر خاتری خه‌ڵك ، له‌به‌ر خاتری خۆیانه‌ و هه‌ستانه‌وه‌یان ، له‌وانه‌یه‌ وه‌عدی هه‌ندێ شت بده‌ن ، به‌ڵام پێیان ده‌كرێت یا نا ئه‌وه‌ بابه‌تێكی تره‌ ، ئه‌گه‌ری زۆریشه‌ وه‌كو جاران ده‌ستی ده‌ستیتان پێ بكه‌ن تا ده‌تان به‌نه‌ به‌رده‌م هه‌ڵبژاردن ،گۆڕان كاتی ئه‌وه‌ نه‌ماوه‌ كاتت پێ بكوژن تا بتكوژن !!
گۆڕان به‌ ڕونی پرۆژه‌یه‌كیان داونه‌تێ كه‌ له‌ دوو قۆناغ پێكهاتووه‌ و به‌ چه‌ند خاڵێك داڕێژراوه‌ ، سه‌قفێكی زه‌مه‌نیش تیادا دیاری كراوه‌ تا هه‌ڵبژاردن ، گه‌ر نیه‌تی پاكیان هه‌بێت ته‌نها له‌به‌ر خه‌ڵك ئه‌وا پرۆژه‌كه‌ ده‌خه‌نه‌ سه‌ر ئه‌رزی واقیع ، ئه‌گه‌ر نا ئه‌م حكومه‌ته‌ و حیزبه‌كانیشیان به‌ شێوه‌یه‌كی له‌ ئێستا ناشرینتر ده‌چنه‌ مێژووه‌وه‌.
گۆڕان نابێت شه‌ریكه‌ به‌شی هه‌ستانه‌وه‌یان بێت بۆ مه‌ینه‌تی و كاره‌ساتی خراپتر له‌ ئێستادا ،ده‌بێت له‌ دان و سانه‌كان دا به‌ رونی و راشكاوی و بێ په‌رده‌ ، بڵێت ئێوه‌ له‌م پرۆژه‌یه‌ی ئێمه‌ به‌ وردی چیتان پێ ده‌كرێت و چی ده‌كه‌ن ؟!
گۆڕان ده‌بێت شل و مل و شه‌رمن و ته‌قلیدی نه‌چێته‌ ئه‌م پرۆسه‌یه‌وه‌ ، كۆبونه‌وه‌ بۆ كۆبونه‌وه‌ ماوه‌ كوشتن و ده‌ستی ده‌ستی كردن نه‌بێت ، سه‌رده‌می دان و سانی كلاسیكی و ته‌قلیدی به‌سه‌ر چووه‌!
گۆڕان ده‌بێت پێیان بڵێت ئێوه‌ به‌ راستتانه‌!؟ یان به‌ مه‌دح و سه‌نامان ده‌ستمان ده‌بڕن!؟ گه‌ر یه‌كه‌میانه‌ فه‌رموون ئه‌وانه‌ی پێتان ده‌ڵێین جێ به‌ جێی بكه‌ن !گه‌ر دووه‌میشیانه‌ ئه‌وا ئێمه‌ تێیدا نین و به‌ دڵی خۆتان بچن چۆن وێرانتان كرد چاكی بكه‌نه‌وه‌ ، چۆن قه‌زییه‌ و ولات و خاكتان فرۆشت بیكڕنه‌وه‌ ، سه‌رێكی دۆسته‌ دێرینه‌كانتان بده‌ن له‌ ئێران و توركیا ، چۆن ده‌ستیان بڕین ئاواش ببنه‌ فریاد ره‌ستان ! ئێوه‌ ئاماده‌ن ته‌نازول بۆ شه‌یتانیش بكه‌ن نه‌ك بۆ به‌رژه‌وه‌ندی میلله‌ته‌كه‌تان ، به‌رژه‌وه‌ندی گیرفانتان لای توركیا و ئێرانه‌ به‌رژه‌وه‌ندی خه‌ڵكیش بۆ گیرفانی خه‌ڵكه‌! ئێوه‌ گیرفانی خه‌ڵكتان ناوێت .
گۆڕان ده‌بێت به‌ قسه‌ بریق و باقه‌كانی ئێستا و له‌وه‌و پێشی چه‌ند كاراكته‌ری حكومه‌ت هه‌ڵنه‌خه‌ڵه‌تێ ، به‌ قسه‌ی ئه‌وان گۆڕان وه‌كو له‌ كۆبوونه‌وه‌كاندا جێگای تقدیر و سوپاسه‌ له‌ زۆر ویستگه‌دا ، به‌ڵام دواتر هه‌ردووكتان هه‌ردوو حیزبه‌كه‌تان له‌ ده‌ستی ده‌ستی پێكردن له‌ ڕێكه‌وتنه‌كان ، جێ به‌ جێ كردنی ئه‌و خاڵانه‌ی رێكه‌وتنه‌كان كه‌ له‌ به‌رژه‌وه‌ندی خۆتاندایه‌ بیكه‌ن ، ئێوه‌ له‌م سیاسسه‌ته‌ قێزه‌ونه‌دا پێشی پێشه‌وه‌ن و یه‌كه‌من ، به‌ڵام به‌رامبه‌ر به‌ نه‌یاره‌كانمان له‌ دوای دواوه‌ن و پچوك و زه‌لیل و ملكه‌چن .
ئێمه‌ به‌ لامانه‌وه‌ زۆر سروشتییه‌ ئه‌م هه‌ڵوێست و ماهیه‌ته‌تان! چونكه‌ نه‌ك ده‌ستی حیزبه‌كان به‌ڵكو ده‌ستی خه‌ڵكیش ده‌بڕن ، له‌ ناو خۆتان دا و له‌ حیزبه‌كانیشتاندا نه‌ك یه‌كترتان خۆش ناوێت به‌ڵكو موامره‌ له‌ یه‌كتریش ده‌كه‌ن.
له‌ نێوان هه‌ردووكتان دا ئێستا په‌یوه‌ندییه‌كان شتێك رێكی خستووه‌ كه‌ پێی ده‌ڵێن رق و قینه‌ و تۆڵه‌ سه‌ندنه‌وه‌ نه‌ك قه‌زییه‌ و نه‌ته‌وه‌ و نیشتیمان .
هه‌قیش وایه‌ گۆڕان پرۆژه‌كه‌ی بخاته‌ به‌رده‌م خه‌ڵك نه‌ك بیشارێته‌وه‌ به‌ بیانوی جۆراوجۆری بێ مه‌نتق .
تایبەتمەندییەکان: بابەتی هەڵبژاردە

زیادکردنی وەڵام