لە سێ ڕۆژی ڕابردوەومێدیاکانی پارتی سەرقاڵی پێچانەوەی درۆودەلەسەن،هەرچەندە ئەمریکیەکان و عەبادیش هەموو فڕوفیشاڵێکی پارتی و ئەو نیازە چەپەڵەیان بۆ ڕیکلامی شەڕوپێشخستنی بەدرۆ خستۆەوە، بەڵام دیسان بنەمالەی بارزانی و پارتی لەهەوڵی ئەوەدان ئاگری شەڕێک لە کەرکوک و دەوروبەری دابگرسێن؟….بۆئەم مەبەستەیش کۆسرەت و جەعفەرو حەمەی هەلبژاردوە بۆ ئەم فیتنەیە،ئەمە لەکاتێکدا مێژوو سەلماندویەتی،جگە لە بازرگانە بێویژدانەکان،هیچ کەسێک قازانج لە شەرو کاولکاری ناکات.

پارتیەکان چۆن خەڵکیان بە ناوی سەربەخۆییەوە گەمژەکردو بەشێکیان بردە پای سندوقی دەنگدان،بە بێ ئەوەی کەمترین شەرم لە بێحەیایی خۆیان بکەن،دەیانەوێ فشارەکانی بەغداو دەورو بەر بەوە لەقەڵەم بدەن کە” ئەوەکورد باجی سەربەخۆیی دەدا”،کەسێک نیە بڵێ کام سەربەخۆیی و کام باج؟.

بۆ مەگەرئەوەی 27 سالە لەسەری ئەلەوەڕێن وەک پارتی ویەکێتی سەربەخۆیی نەبوو؟سنورەکان،مەرزەکان، فڕۆکەخانەکان،نەوت فرۆشی،بەرهەمی ناوخۆو ساڵانێکیش لە سەدا حەڤدەی بودجەی کەلە بەغداوە دەهات بەدەست خۆتانەوە نەبوو؟ بۆ مەگەر هێزی پێشمەرگەو ئاسایش و پۆلیس خۆتان نەبوون؟ لە سەرۆکی هەرێمەوە کە ئێستا داڕزاوە تا سەرۆکی حکومەت و پەرلەمان و وەزارەتەکان و دادگاو دادوەر،تا پارێزگارو قایمقام ومدیرناحیەو موختارێک هەر خۆتان نەبوون؟،هەتا شاری کەرکوک پاریزگارەکەی،ئەنجومەنەکەی،دەسەڵاتی ئاسایش و پۆلیسەکەی،زۆرێک لە نەوتەکەی بەدەستانەوە نەبوو؟بۆ مەگەر سەربەخۆیی جگە لەمە چیترە؟.

ئەی ئێوە جگە لە دزی و تالانی و خۆ دەولەمەندکردن و دەستبەسەراگرتنی سامانی نەتەوەیەک و ناردنی بۆ دەرەوەی وڵات چی ترتان کردوە؟،ئێوەیەک کە گەردێ شەرەف و ئابڕوتان نەماوە،تازە ئەتانەوێ خەلکی کوردوستان و پێشمەرگە بیرە نەوتەکانی کەرکوکتان بۆ بپارێزن تا ئێوە دەولەمەندتربن؟.

ئەو چەکدارەی دوای ئێوە دەکەوێ “بە ناوی کوردو کوردایەتی و کوردوستان ومیلەتەوە” جگە لە داماوێک هیچیتر نیە،ئاخر ئەوەی کەهەیە لە کەرکوک و شوێنەکانی تر تەنها بۆ پاراستنی بیرەنەوتەکانیانە،وەک” بایز حەسەن و هاڤانە”،بەلام بە ناوی کوردەوە،ئەو بیرەنەوتانەی کە ساڵانێکە بەدەستیانەوەیەو هەریەکەیان هێندەی هەزار شەمپازی چەناکەی بەربۆتەوەو کوردی داماویش نان و ئاو کارەباو مەسکەنی نیە.

تاکەی خەلکی کەرکوک بە سکی برسی و بەسەرماو بێ نەوتی،شڕە ئالایەک بشەکێننەوەونەوتەکەیشی مەسعودو کۆسرەت وهێرۆو نەجمەدین بیبەن؟ ئەگەر ئەم ئاڵایە لای ئەوان ئەونە پیرۆزە،دەی با ماوەیەک خۆیشیان بیشەکێننەوەو سامانی نەوت بۆ ئەو خەڵکە بێت.

جا ئەوەی کەی کورد هوشیار دەبێتەوەو ئیتر سەرشۆڕناکات بۆ کڵاوێک کە سەدان جار لەسەری کراوەو خێرو بێرەکەیشی چۆتە گیرفانی بنەماڵەی بارزانی و سەرانی پارتی و یەکێتی،کەی ئەم خەونە بینراوانە لێکدەداتەوەو خۆی ناکاتە سوتوی شەڕ بۆ دوو باندی مافیا،خۆ شەڕی ناوخۆمان بیرە،هەردولا دەیان هەزاریان کوشت و بەکوشتن دا،ئێستایش لە دوای ڕێکەوتنی پارتی و یەکێتی کە سەدان ملیارد دۆلاریان دزی و ژیان و نیشتیمان و خەڵکیان نابووت کرد،هێشتا هەزاران خێزان چاوەڕوانی دیلەکانیانن لە شەڕی پارتی و یەکێتیدا،نازانن ماون یان مردوون،ئەوەتا دزێکی وەک نەجمەدین کەریم لە زمانی خودی یەکیتی خۆیەوە 14 مەلەفی لەسەرە 13 هی دزیە،چۆن دەکرێت خەلكی کەرکوک ئەمە بە شەقامەکاندا رانەکێشن؟چۆن دەبێت خەڵکی دیفاع لەم دزو جەردەو مافیایانە بکات؟.

بنەماڵەی بارزانی بۆ مانەوەی خۆی سەرقاڵی شەیتانانەترین یاریەو یەکێتیەکانیشی کردۆتە سەری ڕم،خۆی لە دورەوە سەیردەکات و”شەریکە دز″یەکێتی پێش خستوە،سەیرە یەکێتیەکان بەدەست پارتیەوە دەرپێکانیان لە قولاپەیاندایە کەچی بۆ پارە هێشتا بەردەوام ڕێدەکەن.

بنەماڵەی بارزانی فێرن،ئاگری شەڕبکەنەوەو خۆیشیان بە دوربینیش مەیدانی شەرنەبینن، هەرئەوەیشە ئەوەتەی هەن کوڕێکیان لە شەردا پریشکێکی بەرنەکەوتوە،یەکێک لە چەکدارەکانی پارتی بۆی باسکردم،سیروان بارزانی لە شەڕی داعشدا پێی وتبوون” ئێوە دەبێت شەڕ بکەن،خۆ شتێک بێت ئێمە ڕادەکەین بۆ وڵاتێکیتر هەر ئێوە زەرەر دەکەن”، ئەمەیە کرۆکی چەپەڵانەی بنەماڵەی بارزانی.
پێدەچێت تورکیایو ئەردۆغان و بەرەی سونە بەتایبەت سعود،بە یارمەتی ئەڵقە لەگوێیەکی وەک مەسعود هەوڵی زیاتر بدەن تا شير ئەو ناوچانەو زۆر جێگای تر بتەنێتەوە.

ئەرکی خەڵکی کوردوستانە بێتە مەیدان و بەر بەم یاریە ئاگرینانە بگرێت،بە دەربڕینی ناڕەزایەتی و هاتنە سەرشەقام بەر بە هەر شەڕێک بگرن.تا مەرامی پیسی مەسعودی نەخۆش نەیەتە دی.

ئارام ئەحمەد
13/10/2017

تایبەتمەندییەکان: بابەتی هەڵبژاردە

زیادکردنی وەڵام