هەمومان دەزانین بنەمالەی بارزانی چۆن بەرامبەر بزوتنەوەی گۆران راوەستاو چیکردوە بەرامبەری،جوینەوەی ئەو باسانە پیویست نیە،ئەوەی هەیە چۆنە ئێستا پارتی بە هەمو شتێک رازیەو دەبێت بزوتنەوەی گۆران بەرامبەری چیبکات.

ئەوەی پارتی دەیکات بەرهەمی تێکشکاندنیەتی،لەسەرو ئەمەیشەوە گۆران زەرور نیە باوەڕی پێبکاتو دوای بکەوێت،ئیتر بۆ هەمولایەک ڕونە کاراکردنەوەی پەڕلەمان هیچ قیمەتێکی نەماوەو بەسەرچوە،پارتی ئەمە دەزانێت بۆیە بەلایەوە ئاساییە کارا بکرێتەوە.

کێشەی پەڕلەمان کە پەک خراوە پەیوەندی بە ڕیفراندۆمەوە نیەو لەسەر هەوڵی گۆڕینی سیستەمی سەرۆکایەتی بۆ پەڕلەمانی وکورسیەکەی مەسعود بوە،کەواتە گۆران پێویست نیە بچێتە ژێر ئەم بارەوە،بزوتنەوەی گۆران ئەرکیەتی دانیشتنەکان لەگەڵ پارتی هەڵپەسێرێت،چونکە پارتی بۆیە باسی کاراکردنەوەی پەڕلەمان دەکات تا بە سەرۆکایەتی پەڕلەمان و گۆڕان مۆری خۆی بدات لە ڕیفراندۆم و هیچیتر،گۆڕان دەبێت ئازا بێتو بێ دودڵی ڕیفراندۆم ڕەد بکاتەوەو خەتەرەکانی بە خەڵکی کوردوستان بڵێت،هەر نزیکبونەوەیەکی گۆران لە پارتی،گۆران لە ماناکانی خۆی دادەماڵێت،کەواتە با یەکێتی و پارتی بڕۆن هەرچی دەکەن بیکەن و هەتا کاراکردنەوەی پەڕلەمانیش،گۆران دەبێت رێبەرایەتی نارەزایەتیەکان و خەلک بکات،نەک قەیدو بەند لەگەڵ پارتی ویەکێتی.

یەکێتی نیشتیمانی جێگای سیقە نیەو سیاسەتی دوفاقی پیادەدەکات،کۆسرەت ئێستایش خۆی پێ جێگری مەسعودە واتە بڕوای وایە مەسعود سەرۆکی هەرێمە،بون بە دو بەشەوە بە تاکتیک،وەفدیان لەگەڵ لیژنەی بالای ڕیفراندۆمی پارتی دەچنە ئەمریکا،بەلجیکا،سەری ڕەش،لەم بەریشەوە بەشێکیان دەیکەنە هاواروزانا گوایە دژن،یەکێتی دوفاقیانەو درۆزنانە هەنگاو دەنێت.

نا بۆ ڕیفراندۆم!

ئێمە یەکەم کەسانێک بوین،،وتومانە”نا بۆ ڕیفراندۆم”هیچ کەسێک بۆی نیە لەبەر ئەوەی پارەی دزی بەدەستەوەیە،مێدیای هەیە هەوڵی بێهودەو زەبونانە بداتو سوارنارەزایەتیەکان بێت و خۆی بکاتە ئاغای خولقاندنی”نا بۆ ڕیفراندۆم”.

لە کاتێکدا من و سەدانی وەک کاک نیاز حەمید پێش هەمو کەس مەسەلەی ڕیفراندۆممان ڕەد کردۆتەوەو هیچ کەسێک بۆی نیە خۆی بکاتە خاوەنی،جگە لە خەڵک.

بەرهەم ساڵح لەم ڕۆژانەدا،لە ڕێگای سالار مەحمودو حسن جیهازەوە لەهەر ناوچەیەک چەند کەسێکی بینیوە،دەچێتە هەرجێگایەک تەنها پرسیار دەکات،دەمی خەڵک تاقی دەکاتەوە،تەئکید لەوە دەکاتەوە کە دەبێت سنورێک بۆ باڵی دەستڕۆیشتو دابنێن،لە سمود بە ئاشکرا وتویەتی” لەم ماوەیەدا هەڵوێستم دەبێت، بۆ هەڵبژاردنەکان بەرەیەکمان دەبێ لە ئەندامان و لایەنگرانی هەرچوار حیزبەکە:یەکێتی،گۆران،یەکگرتو،کۆمەڵ” لێرەوە یاریەکانی بەرهەمو پیاوەکانی لە ئێن ئاڕتی ببینن.
سییاسیە کلاسیکەکان،وەک کۆمەڵێ مۆتەکەی فاشیل

پرسیارە بناغەییەکە ئەوەیە،ئایا بەم سیاسییە کلاسیکی و خڵتەی جەلالی ومەلایی ، خڵتەی هاوکێشە کۆنەکەی دنیای سیاسیەتی شەرق و غەرب، لەم ‌قۆناغە رزگارمان ئەبێت؟؟.
ئەمانە ماوەی 70 ساڵی سیاسیەتکردنیان،سواری ئەسپی کوردایەتی و چەپ و دیموکراسی بوون، کامە ئەنجامەکەیەتی، ئەوەیە کە ئێستای کوردییان بەم ڕۆژە گەیاندووە، کە هەموو ئەزانین، جگە لە تاڵانی و خەلک کۆیلەکردن،هیچ بەرهەمێکیان نەبووە..
ئەمانە تازە ناتوانن لەگەڵ ڕەوتی نوێی سیاسی و هاوکێشەی تازەی ناوچەکە و طموحی گەنج و خەڵکی کوردستان بڕۆن و خۆیان بگونجێنن،هەزاران ئیمتحانیان داوەو دەرنەچون.
کەواتە ئەمانە پەککەوتە،گێڕ وخوار، مێشک چەق بەستوو،بە کێشمەکێشەکانی ڕابردوو و شەخسیی، ناتوانن وەڵامگۆی داخوازی و ئومێد و هیواکانی نەوەی نوێ و خەڵکی ئێستای کوردستان بن.

ئەم 26 ساڵە، ئەوەی لە عەقڵ و هزر وهۆش وتوانایان بووە، بەکاریان هێناوە، ئەمەش ئەنجام و بەرهەمەکەیەتی کە ئەیبینین: ئابووری سفر، سیاسی سفر، کۆمەڵایەتی شێواو و دواڕۆژ نادیار و تاریک،کەواتە هەر ئومێدێک بەمانە زادەی نەزانیو قازانجی تایبەت نیە؟.

ئەو کۆمەڵە سیاسییەی کە بۆ ماوەی نیو سەدەیە، بوون بە مۆتەکە و بار بەسەر شانی خەڵكی باشووری کوردستان، ئیتر ئەبێت دان بە فاشلی خۆیان بهێنن و ڕەوانەی خانەی خانەنشینان بکرێن و دەست لە قورگ و سەری میللەتەکەمان بەردەن، تا بە حورمەتەوە دەستبەرداری سیاسەت بن، ئەگینا کۆتاییەکی ئابڕوبەرانە چاوەرێی هەموویان ئەکات.

ئەم کاسبکارە سیاسییانە،سەریان کردووە بە ناو کۆشی یەکتریدا و هەریەکەیان خۆیان لە کۆشکی ئەوی تردا حەشار و پەنا ئەدەن،ئەوەندە سەر و سیمایان چووە بەناو یەکدا، ناتوانرێت لەیەک جودا بکرێنەوە،وە لە هەموو کەسیش باشتر، خۆیان ئەزانن، کە ئایندەیان یەکە و ڕۆژی حساب، هەموو پێکەوە ئەکەونە بەر شالاوی توڕەیی و تۆڵەی میللەت،هەر بۆیە عەیب وعارەکانی یەکدی ئەشارنەوە،،چونکە خۆیان ئەزانن چ بێ حورمەتی و دزی و تاڵانییەکیان کردووە.

ڕیفراندۆم و کۆبونەوە دوای کۆبونەو و خەتەری دراوسێ و کێشە نانەوە لەگەڵ بەغدا و دەیان سیناریۆی جواروجۆر، تەنیا بۆ مانەوەی خۆیان و نانەوەی پشێوی خەڵکە، وە قەد نایەنەوێت ئەو گەلە پشوو بدات و سەرخان و ژیرخانی ئابوری وسیاسییان جێگیر بێت، چونکە ئەمانە تە نیا لە پشێوی و برسییەتی و قاڕوقڕی جەنگ و نەبوونیدا، ئەتوانن درێژە بە دەسەڵات و مانەوەی خۆیان بە..

هەرکەس بە تەمای ئەم سیاسییە ئکسپایەرانە بێت. کە ژیانیکی ئارام و ئاسایشێکی سیاسی و کۆمەڵایەتی و ئابووریان بۆ مسۆگەر بکات،، ئەوا نەک هەر گەمژەیە، بەڵکو باشترە سەردانی شەماعییە* بکات.

تایبەتمەندییەکان: بابەتی هەڵبژاردە

زیادکردنی وەڵام