هه‌وڵه ‌وه‌همییه‌کانی تیرۆر:

ئه‌و پێشمه‌رگه‌یه‌ی کاتی خۆی یارمه‌تیی مه‌لا به‌ختیاری دا و له‌ زیندان ده‌ربازی کرد، دوایی تاڵه‌بانی گرتیی و کوشتی، مه‌لا به‌ختیار به‌ فێڵ ژنبرا و براکه‌ی لای خۆی دانا، هه‌وڵی دا، ده‌ستدرێژی بکاته‌ سه‌ر ژنه‌که‌، دوای ئه‌وه‌ مه‌لا به‌ختیاریش ژنه‌که‌ و مێرده‌که‌ی له‌ناوبرد. به‌ درێژی ڕووداوه‌که‌ بخوێنه‌ره‌وه‌.

لوتکه‌ی به‌دبه‌ختی و نه‌هامه‌تی ئه‌وه‌یه ‌مرۆڤ خۆی “خۆی” نه‌بێت، که‌خۆیشت خۆت نه‌بووی تووشی به‌ریه‌ک که‌وتن و وورد وخاش بوون ده‌بیت، له‌م حاڵه‌ته‌دا “خود” هیچ نابێت جگه ‌له‌داشێک که ‌تاکی به‌هێز ، ده‌توانێت ئه‌م خانه ‌و ئه‌و خانه‌ی پێبکات، وه‌ک گاڵته‌جاڕ “سه‌ماکه‌ره” بیکاته ‌گه‌پ جاڕ و له‌ پێناوی به‌رژه‌وه‌ندییه‌کانی خۆیدا به‌کاری بێنێت، مه‌لابه‌ختیار ئه‌و که‌سایه‌تیه‌یه ‌که‌ هه‌رگیز خۆی خاوه‌نی خۆی نه‌بووه‌، هه‌رکاتێكیش هه‌وڵی دابێت که‌سایه‌تی خۆی بکڕێته‌وه ‌سه‌ر‌یه‌شه‌یه‌کی تر و مه‌راقێكی گه‌وره‌تری بۆخۆی زیاد کردوه‌، وه‌ختێک له ‌یه‌کێتی جیابوه‌وه ‌و ئاڵای شۆڕشی پێک هێنا، کاردانه‌وه‌یه‌ک بوو بۆ کڕینه‌وه‌ی ئه‌و “خود” نه‌بوونه‌، که ‌له‌ئه‌زه‌له‌وه ‌له‌گه‌ڵی نه‌هاتۆته ‌بوون‌، وه‌لێ که ‌له ‌یاخسه‌مه‌ر ڕایکرد و له‌ چه‌مه‌که‌ی قزله‌ر گیرایه‌وه‌، ئه‌و شه‌وه ‌له‌ماڵی “حه‌مه‌جه‌زا”ی گۆرانی بێژ ووتی ” من کابرایه‌کی دۆڕاوی سیاسیم، ئه‌خلاقم تیا بێت له ‌ژیانما سیاسه‌ت ناکه‌م” دوای ڕاپه‌ڕینیش وه‌ک به‌شداربوان لێی ده‌گێڕنه‌وه ‌له‌ کۆڕێکدا له‌ شه‌قڵاوا، له‌وه‌ڵامی پرسیاری “ئایا ‌ناگه‌ڕێیته‌وه ‌ناو یه‌کێتی” به‌ زمانێکی بازاڕییانه‌ و زۆر ناشرینانه‌ ده‌ڵێت ” بچمه‌وه ‌ناو یه‌کێتی قه‌حبه‌کانی کوردستان ناچمه‌وه ‌ناو یه‌کێتی” جوانترین قسه‌یه‌ک له‌ سه‌ر مه‌لا به‌ختیار کرابێت ئه‌و قسه‌یه‌ی مام جه‌لاله‌، که ‌له ‌نامه‌یه‌کدا بۆ”محه‌مه‌دی حاجی مه‌حمود” ی ناردوه ‌و تێدا ده‌ڵێت ” مه‌لا به‌ختیار هیچ نییه‌، ئه‌و وه‌ک میزه‌ڵدان وایه ‌که‌ی بمه‌وێت ده‌رزیه‌کی پێدا ده‌که‌م و فشی ده‌که‌مه‌وه‌”. “حه‌مه ‌ئاوات” که‌ بارته‌قای ئه‌رز و ئاسمان جیاوازی هه‌یه ‌له‌گه‌ل مه‌لا به‌ختیاردا و له‌ویش زۆر ماندو تر و ده‌سپاکتر و داوێن پاکتره ‌و به‌شداریشی له‌ دزینی سامانی گه‌لدا نه‌کردوه‌، بۆیه‌ ئه‌وه‌نده‌ ناوی ناهێنرێت و ناودار نییه‌، ده‌ڵێت (دوای کۆنفرانسی سێیش ئه‌گه‌ر مه‌لا به‌ختیار بکرایه‌ به ‌ئه‌ندامی مه‌کته‌بی سیاسی یه‌کێتی و ئه‌ندامی ناوه‌ندی کۆمه‌ڵه‌ هه‌رگیز بڕیاری جیابونه‌وه‌ی نه‌ده‌دا)، دیسان ده‌ڵێت: (دوای ئه‌وه‌ی مه‌لا به‌ختیار ئاڵای شۆڕشی کرده ‌که‌سک و له‌گه‌ڵ زه‌حمه‌تکێشان یه‌کی گرت، جارێک له‌ سوید ته‌له‌فۆنی کرد بۆ من وتی ئه‌وه‌ قادر عه‌زیز و عه‌بدولخالق زه‌نگه‌نه ‌له‌گه‌ڵ یه‌کێتی یه‌ک ده‌گرن، ده‌بێت ئێمه ‌ڕێگه‌بگرین و نه‌هێڵێن ئه‌و یه‌کگرتنه ‌ڕووبدا، چونکه‌ من ده‌مه‌وێ ئه‌ندام په‌ڕله‌مانیش بم له‌جێی سالار عه‌زیز که ‌زه‌حمه‌تکێشان دایان نابوو، وتمان کاکه‌ فه‌رقی تۆو کاک سالار چییه‌ بۆچی تۆ بچیته‌ جێی ئه‌و ، وتی نا کاکه‌ من ده‌مه‌وێ بچمه‌ په‌ڕله‌مان و شه‌خسی جه‌لال تاڵه‌بانی و یه‌کێتی بده‌مه ‌دادگا، چونکه ‌دژ به‌ ئافاقی دیموکراسی له‌گه‌ڵ ئێمه‌دا ته‌عامولیان کردوه ‌و ئێمه‌یان زیندانی کردوه‌)،
(مه‌لا به‌ختیار ڕۆیشته‌وه ‌بۆ ئه‌وه‌ی نه‌هێڵێت ئه‌و ڕێکه‌وتن و یه‌کگرتنه ‌سه‌ربگرێت، به‌ڵام ئه‌وه‌نده‌م زانی له ‌دیمه‌شق له‌ ماڵی مام جه‌لاله‌وه ‌ته‌له‌فۆنی بۆ من کرد، وتی ئه‌وه ‌مام جه‌لال سڵاوی هه‌یه‌ ئێمه ‌ئیعلانی یه‌کگرتنمان کرد تۆیش ئیعلانی بکه‌)، جا که‌سایه‌تیه‌ک ئه‌مه ئوسلوبی بێت، بۆ گه‌یشتن به ‌ده‌سه‌ڵات، نابێت به‌لامانه‌وه‌ سه‌یر بێت، ئێستا که ‌ئه‌و هه‌موو پۆسته‌ی هه‌یه ‌و یه‌کێتیش که‌سایه‌تیه‌کانی خۆی له‌ده‌ست داوه ‌و ئه‌م بۆته ‌میراتگری به‌ چه‌پ و ڕاستا هه‌ڵه‌وه‌ڕی بکات، چونکه‌ خۆی خاوه‌نی خۆی نییه ‌و له ‌ژێر په‌شته‌ماڵه‌که‌ی تاڵه‌بانییه‌وه ‌سه‌ره‌تاتکێ ده‌کات، خۆیشی باش ده‌زانێت ئه‌ستێره‌ی به‌ختی تا ئه‌و کاته‌ هه‌یه‌، که ‌تاڵه‌بانی هه‌یه،‌ ئه‌و نه‌بێت ئه‌میش گیانی له‌ده‌ست ده‌دات، ئاخر مان و نه‌مانی به‌سراوه ‌به‌”چاک” ه‌که‌ی مامه‌وه ‌بۆیه‌ ئه‌وه‌تا له‌ڕۆژی 8/4 له‌ هۆڵی بۆنه‌کان له ‌که‌لار له ‌ژێر ناونیشانی” ئارام گرتنی ئێمه ‌و دان به‌خۆداگرتنمان له ‌لاوازیمانه‌وه‌ نییه‌” که‌ سایته‌که‌ی خۆی “چاودێر” بڵاویکردۆته‌وه‌، له‌و تۆزه‌ قسه‌کردنانه‌دا ئه‌وه‌نده‌ ناوی تاڵه‌بانی ده‌هێنێت مرۆڤ شه‌رم ده‌کات له‌و خۆبچوککردنه‌وه‌یه‌، فه‌رموون ببینن.
1- ئاسان نییه‌ په‌یوه‌ندی نێوان خه‌ڵك و سه‌رکرده ‌و مام جه‌لال که ‌په‌یوه‌ندییه‌کی مێژووییه‌.
2- مه‌حاڵه‌ سه‌رکه‌وتن و ده‌سکه‌وته‌کان به‌قسه‌ی ناڕاست له ‌سه‌رکردایه‌تی و مام جه‌لال داببڕن.
3- ئه‌وه‌ دوربینی و قوڵی بیرکردنه‌وه‌ی مام جه‌لال بوو.
4- چۆن ئێمه‌و مه‌کته‌بی سیاسی و حکومه‌ت و جه‌نابی مام جه‌لال ده‌مانتوانی ئاوا سه‌ربه‌رزانه ‌بێینه ‌به‌رامبه‌رتان.
5- دوربینی جه‌نابی مام جه‌لال گه‌یشتووین به‌و ڕۆژه‌ی .
6- به‌ڕێز مام جه‌لال به‌غدا و مه‌یدانی خه‌باتی چۆڵ نه‌کرد.
7- مام جه‌لال دوپاتی ده‌کاته‌وه ‌که ‌ده‌ڵێت هه‌ڵۆ بن و به‌رز بفڕن.
8- ئه‌گه‌رنا کێ له‌ سه‌رکرده‌کان هێنده‌ی مام جه‌لال ڕه‌خنه‌ی لێگیراوه.
لێره‌دا پرسیار ئه‌وه‌یه‌ ئه‌گه‌ر ئه‌م قسانه‌ی مه‌لا به‌ختیار له ‌لاوازییه‌وه ‌نییه‌، ئایا ‌وه‌ک خۆی ڕیکلام ده‌کات له ‌هێزه‌وه‌یه‌؟ گه‌مژه‌کانیش ده‌زانن که‌ له ‌حاڵه‌تێکی ده‌روونی خراپدان، وه‌لێ ئیشی من له‌م بابه‌ته‌دا وه‌ڵامی ئه‌م قسه ‌پوچانه ‌نییه‌. یه‌کێکی تر له‌و ئیسپاتانه‌ی که‌ مه‌لا به‌ختیار خۆی ” خۆی ” نییه‌ ئه‌وه‌یه ‌که‌ ، هیچ ئه‌ندامێکی سه‌رکردایه‌تی هه‌موو پارته‌کانی سه‌ر گۆڕه‌پانی کوردستان، به‌قه‌د ئه‌م پیاوه‌ ئیدعای بۆ خۆی نه‌کردوه‌ که ‌هه‌وڵی تیرۆریان داوه ‌و ده‌یانه‌وێت له‌ناوی به‌رن، چه‌ندین جار گوێبیستی وروژاندنی ئه‌م بابه‌ته‌ بووین و نه‌شمان دی و نه‌شمان بیست یه‌ک جار وه‌ک مێش گوله‌یه‌ک به‌لایدا بڕوات، له ‌به‌ختی گه‌شی ئه‌م مه‌لای سه‌ر به به‌رماڵه‌ به‌ر له‌وه‌ی ڕووبدات هه‌وڵی تیرۆره‌که‌ی که‌شف کراوه ‌و هه‌ڵ وه‌شاوه‌ته‌وه‌، کاتی هاتوه‌ باسێک له‌هه‌وڵێکی درۆینه ‌بکه‌ین که ‌پێش خیانه‌تی 31 ی ئاب ، به ‌قه‌ولی مه‌لا به‌ختیار که ‌له‌ تیڤی ئه‌و کاته‌ی یه‌کێتییه‌وه ‌بڵاوی کرده‌وه‌، گوایه ‌یه‌کێک له‌ حیمایه‌کانی پاراستن کڕیویانه ‌و ویستوویانه ‌تیرۆری بکه‌ن، ‌لی با بزانین ئه‌م ڕوداوه‌چۆن بوو.
ئه‌و کاته‌ی مه‌لا به‌ختیار لای یه‌کێتی زیندان بوو، پێشمه‌رگه‌یه‌ک به‌ناوی” خه‌باته ‌مێشوله‌” که‌خه‌ڵکی ” باخی شێخ له‌تیف” بوو یارمه‌تی ڕاکردنه‌که‌ی ده‌دات، به‌داخه‌و ه‌پاش ئه‌و ڕوداوه ‌یه‌کێتی خه‌بات ده‌کوژێت و مه‌لایش ده‌سگیر ده‌کرێته‌وه ‌، دوای ئه‌وه‌ی مه‌لا به‌ختیار بوو به‌ شت، “ئاسۆی عوسمانی حه‌مه‌گوڵ” که‌برای “خه‌بات”بوو و ‌برایه‌کی تریشیان به‌ناوی “سه‌لاح” به‌ده‌ستی به‌عسییه‌کان له ‌سلێمانی شه‌هید کرابوو، خۆی و هاوسه‌ره‌که‌ی به‌ناوی ” ته‌لار” ده‌چنه‌ لای مه‌لا به‌ختیار و پێشنیاری پێده‌کات که ‌ئیشێکیان بۆ بدۆزێته‌وه،‌ که‌ براکه‌ی واته ‌”خه‌بات” به‌بۆنه‌ی ئه‌وه‌وه ‌شه‌هید کراوه‌، مه‌لای فێڵز‌انیش ده‌ڵێت زۆر باشه‌ تۆ ببه‌ حیمایه‌م با ” ته‌لار” ی هاوسه‌ریشت له ‌نووسینگه‌که‌م سکرتیر‌م بێت ، هه‌ردوو ئه‌م ژن و مێرده‌ له‌ هه‌ولێر چوونه‌ لای مه‌لا به‌ختیار و له‌ به‌ر نه‌بوونی و گرانی ئه‌و سه‌رده‌مه ‌قبوڵیان کرد، ته‌لار له‌جوانیدا تاک بوو، مه‌لا به‌ختیار خیانه‌تی به ‌ئاسۆ کرد و ، ئاسۆیش ئه‌وه‌ی پێقبوڵ نه‌کراو، هه‌وڵی دا، ده‌ست له‌مه‌لا به‌ختیار بوه‌شێنێت، بۆ ئه‌م مه‌به‌سته‌ش چونکه‌” ته‌لار” تێگه‌یشت که ‌مه‌لا به‌ختیار به‌ کاری هێناوه ‌و ئه‌تکی کردوه‌، یارمه‌تی هاوسه‌ره‌که‌ی دا، که‌ ده‌ستێک له‌مه‌لا به‌ختیار بووه‌شێنن و تۆڵه‌ی خۆیان بکه‌نه‌وه،‌ وه‌لێ سه‌رکه‌وتوو نه‌بوون و پێش 31 ی ئاب هه‌ردووکیان گیران و مه‌لا به‌ختیاریش هاته‌ سه‌ر شاشه‌ی تیڤیه‌که‌ی خۆیان و خۆی ئاسا ده‌ستی کرد به‌ده‌ماندن گوایه ‌پاراستنی پارتی له ‌ڕێگای ئه‌م ژن و پیاوه‌وه‌ هه‌وڵی تیرۆرکردنیان داوه‌، دوای 31 ی ئابیش که‌ یه‌کێتی ڕای کرد، مه‌لا به‌ختیار هه‌ردوو ئه‌و ژن و ‌مێرده‌ی کرده‌ قوربانی و تا ئێساتایش وون کران و له‌ ناو چوون، مه‌لا به‌ختیاریش وه‌ک هه‌میشه ‌و وه‌ک به‌رزه‌کی بانان بۆی ده‌رچوو، ته‌واویی ئه‌و چیرۆکه‌یش که ‌پاراستنی تێکه‌ڵکرابوو ده‌سکردی خه‌یاڵی نه‌خۆشانه‌ی خۆی بوو، مه‌لا به‌ختیار به‌تیرێک دوو نیشانه‌ی شکاند، هه‌م ویستی له‌م ڕێگایه‌وه‌ پارتی تاوانبار بکات و خۆی بکات به‌قاره‌مان و نانی ڕۆژ، له‌ لایه‌کی تره‌وه‌ ویستی لێفه‌یه‌ک بدات به‌سه‌ر ئه‌و په‌یوه‌ندییه‌ نامه‌شروعه‌ی له‌گه‌ڵ ئه‌و ژنه ‌و له ‌ڕێگای دۆستایه‌تییه‌وه ‌دروستی کردبوو، به ‌داخه‌وه‌ له‌ بێ یاسای و پاشاگه‌ردانی کوردستان و له‌بێکه‌سی ئه‌و ژن و مێرده‌، مه‌لا سه‌رکه‌وتنی به‌ده‌ست هێنا، وه‌لێ ئه‌ی ویژدانی که‌لاوه ‌و بۆگه‌ن کردووی بۆ کوێ ده‌بات؟ له‌ ده‌ست ئه‌وه‌چۆن ده‌ربازی ده‌بێت؟

تێبینی: قسه‌کانی حه‌مه‌ ئاوات که‌ کردوونی له‌ گۆڤاری هه‌ڵبوون ژماره‌ 22 وه‌رگیراوه‌، بۆ خوێندنه‌وه‌ی کلیکه‌ی ئه‌و لینکه‌ی خواره‌وه‌ بکه‌:
http://www.helbun.com/html4556/PDF/22/halbun22.pdf

تایبەتمەندییەکان: وتارو بیروڕا

زیادکردنی وەڵام