رۆژی سێشه‌ممه 4ی ته‌مموزی 2017 كۆریای باكور هه‌واڵی تاقیکردنەوەی موشەکێکی کیشوەربڕیان بڵاوكردەوه،کە مەوداکەی دەگاتە ئەمریکا،ئەمەیش ئەمریکاو گەورە زلهێزەکانی تۆقاندوە، کە دەیانەوێ جگە لە خۆیان کەس کەڵەگای دونیا نەبێت. ساڵی 1744 ئەمسچێڵ،لەسەر شەقامەکان ئیشی گۆڕینەوەی دراوی دەکرد،تا بە فامیلی بونە خاوەنی دروستکردنی سیستەمی بانک، لەوکاتەوە سیستەمی بانکی لە ڕێگای بنەمالەیەکی جولەکەوە لە ئەڵمان هاتۆتە بون،دروستبونی هیتلەربەدەر لە قورساییەکانی شەڕی جیهانی یەکەم لەسەرئەڵمان و ئیفلاس پێکردنی و فشارێکی توند لەسەریان بۆ قەرەبوکردنەوە،کە خۆ بە خۆی پیاوێکی هارو شێتی وەک هیتلەری لە هەناوی خۆیەوە هێنایە بوون،تا بە شەڕێک هەم گەلی ئەڵمان لەو ڕسوابونە ڕزگار بکات،هەم تۆڵەی خۆی لە دنیا بکاتەوە، بەشێکی دژی ئەم سیستەمە بو کە نزیکەی دوسەد ساڵ دەبو،کۆنترۆڵی پارەی ئەڵمانی کردبو،بە جۆرێک”لە دوای شەڕی جیهانی یەکەمەوە”تورەکەیە مارک جوتێ پێڵاوی نەدەکرد،گەلی ئەڵمان بەتەواوی وێران و بیمار بوبون،ئارامی سەرتاپای وڵاتی گرتبوەوە، کوشتن،فڕاندن،دزی و کاری مافیایی،فڕاندنی کچان وژنان لە لایەن باندەکانەوە،کڕین وفرۆشتن، ئەوەی کە تەواوی داگاو دادوەرەکان لەلایەن ئەمانەوە کۆنترۆڵ کرابون،لانی کەمی لە%90 مێدیاکانی کۆنترۆڵ بو،بێڕەوشتی و فەسادی ئەخلاق کە سەرەتاکانی لەوێوە دەستی پێکرد بۆ ئیفلیج بونی ئینسان و خەپاندنی، ئێستا گەیشتوە بەوەی کە بە یاسا “نێرو نێر”زەواج بکەن و”مێ و مێ”یش هەروەها،وەک دەبینین ئەم تەسورە خەریکە ڕۆژهەڵاتی ناوەڕاستیش دەگرێتەوەو ڕێکخراوەی نێربازەکان و هۆمۆکان و لێز بێزەکان دروست دەبێت و هەمو ئەمانەیش کراوەتە کەرەسەیەک بەناوی مافەکانی مرۆڤ و ئازادیەوە،بونی هەمو ئەمانە شان بەشانی یەکترلەوکاتەدا، بوە هۆی سەرهەڵدانی فاشیەتێکی توندڕەو شەڕی جیهانی دوەهەمی بەدوای خۆیدا هێنا،کینەی هیتلەروەک فاشیەکی ئەڵمانی لە جولەکەکان کە لە دوایدا “شەوی خەنجەرەکان”ی بەدوای خۆیدا هێنا، بەرهەمی ئەم داگیرکاریە ژێر بەژێرو ناوخۆیانە بو،ئەمەوێ بڵێم،هیتلەر بەرهەمی وێرانکاری و داتەپینی سەرخان و ژێرخانی ئەڵمانەکان بو.

هەڵبەتە باخوێنەرلە مەسەلەی”سێکسی ناتەندروست”بەدوای ئەوەدا نەگەڕێت خوێندنەوەی من چۆنە بۆ ئەمانە،ئەوەی من دەمەوێ بیڵێم ئەوەیە،باوەشێنکردنی ئەم جۆرە ڕوانینە بۆ سێکس″نێرونێر”هۆمۆسێکسوالەکان+مێ و مێ”هتدددد زیاتر لە قەبارەی خۆی گەورەکراوەو ئەم گەورەکردنەیش سیاسییە، نەک تەنها بونی غەریزەکانی ئینسان بۆ ئەو پەیوەندیانە.

ئەمریکاو ئیسرائیل و ئەوروپا دەستیان خستۆتە بینەقاقای گەلانی ڕۆژهەڵات،گەلانی خۆیشیان ئیفلیجکراون بە ئیدعای مافی مرۆڤ ودیموکراسی وبەجۆرێک لە قاڵب دراون بونەتە ماشێنێک و زۆرینە مەمرەو مەژی ژیان دەگوزەرێن،ئەونەی خۆم دوای بیست ویەک ساڵ ئەوروپی نشینی تێیگەیشتوم،هێشتا سیستەمەکان سیستەمی کۆیلەیەتیە،بە جۆرێکی سەردەمیانە،”کۆیلەی مۆدێڕن” ملیاردەها ئینسانی ماندو،بە ماشێن کراو،غەرق لە فەسادی،داماڵراو لە ئیحساس وسۆزی ئینسانی،بێ بەزەیی و خۆ پەرست و خولانەوە لەناو پانتاییەکی فراوان لە ئەنانیەت،هەڵوەدا بەدوای کاراو ژیانێکی سەرەتایی،سەدان هەزار خانەوادە لەم هۆڵەندایە کەنیسە یارمەتیان نەدا دەکەونە سەرشەقامەکان،دەیان هەزاریش لەسەر شەقامەکان هەن.

ولاتە گەورە هێزەکان لەسەر ئارەقەو ماندوبون و کوشت و کوشتاری بەشەریەت دروست بون،ئێنێرژی خۆیان لەو هەمو تاوانانەوە هێناوە کە بەرامبەر بەشەریەت دەکرێ،کارەساتی یانزە سیپتەمبەر،هاتنی داعش و لەبەریەک هەڵوەشانی ناوچەکەو لەنا وبردنی حەزارەی ئیسلامی و جێگا هەزاران ساڵەییەکان،هەموی دەسکردی خۆیانە،گەورەبونی ئەمانە بەرهەمی شەڕە گەورەو بچوکەکانن، خۆیان وەک دەسەڵات و سیستەم دنیایەکی بەهەشتیانەیان بۆ خۆیان خولقاندوەو گەلانی دونیایش بەدەم ئازارو نەخۆشی و بێکاری و بێ نانیەوە دەناڵێنن،سەدان ملیۆن لە ژن و منداڵان تەنها لە برساو لە بێ ئاویدا دەمرن. ئەمانە وەک ئاغای دونیا هەن و هەرگروپ و دەستەو تاقمێک لە ئاستی دونیادا پێچەوانەی سیاسەتی ئەمانە بکات،درەنگ یان زو لە ناو دەچێت. بەدەر لەوەی کە لە مەیدانی سیاسی و ئابوری وکۆمەڵایەتیدا دونیایان کۆنترٶل کردوە،لەمەیدانی دەسەلاتی چەکداریشەوە کۆنترۆڵیان کردوەو هەردەوڵەتێک تا ئێستا دەسەلاتەکەی+ سیستەمە بانکیەکەی کۆنترۆڵ نەکرابێت بەرامبەری ڕاوەستاون و دەیانەوێ لە ناوی بەرن یان تەسلیمیان بکەن و سەریش دەکەون.

ئەمریکاو هاوپەیمانەکانی لە ئاستی دونیادا،خاوەنی هەرچی چەکی تەکنۆژی و ئەتۆم و هتددد،لەخۆیان بترازێت نایانەوێ هیچ دەوڵەتێک هەیبێت،ئەگەر بەتەواوی خۆیان خاوەنی دوگمەکانی نەبن،ئەم سیاسەتە بە جۆرێکە باشترین گروپی ئازادیخواز،کە ئامادە نەبێت یەک بەشەر تیرۆر بکات،ئەگەر دژی ئەم سیستەمە بێت کە ئەمریکاو واوەتر ئیسرائیل لەسەرەوەی راوەستاون،ئەوا ئۆتۆماتیکی مۆرکی تیرۆریست دەدەن لە ناوچاوانی،خۆ ئەگەر سیاسەتەکانی ئەوان پەیڕەو بکات،با هەرچی تیرۆرە بیکات لە ڕوانگەی ئەوان و پشتیوانیەکانیانەوە باشترین و ئازادیخوازترین حەرەکەتی سیاسی و کۆمەڵایەتین. ڕوخاندی قەزافی لەبەر دیکتاتۆریەتی قەزافی نەبو،لەبەر ئەوە بوو سیستەمی بانکی تەسلیم نەدەکرد بە دروستکەرانی سیستەمی بانکی جیهانی،ڕێگای نەدەدا ئەمریکاو ڕیزەکانی سەرمایەگوزاری لەوێوە بەرنە ئەفریک،ڕوخاندی سەدام و بەعس لەبەرخاتری ئازادی و ڕزگاری گەلانی عێراق نەبو لە چنگی دیکتاتۆری،لەبەر هاتنی ئەوان بو بۆ ناوچەکەو هەلوەشاندنەوەی هەندێ لە سنورەکان و دابەشکردنەوەی ڕۆژهەڵاتی ناوەڕاست بە قازانجی خۆیان و بردنی سامانی ژێرخانەکەی،بازرگانی چەک،کوشتارو وێرانکاری زۆر و خۆ بە خاوەن کردن و چاک کردنەوەیان،دەنا ڕوخاندنی سەدام نەک باشیەکی بۆ گەلانی عێراق ناوچەکە نەبو،ئەسلەن ئەوناوچەیەی بەجۆرێک وێران کردوە دەیان ساڵی تر نایەتەوە تایم،تەواوی پارچە پارچە کردنەکانی ڕۆژهەڵاتی ناوەڕاست،شەڕی قەومی،تائیفی،بنەمالەیی وخێڵەکی، خولقاندنی ئەم هەمو بزوتنەوە چەکداریە دینیە،تارمای ئەم غۆلە لە پشتیەوە ڕاوەستاوە.

ئێستا ئەوەی ماوە ئێران + کۆریایی باکورە،کە تا ئێستا تەسلیم نەبون بەم ئیرادەیەو دەم لەوە دەکوتن کە نە سیستەمە بانکیەکە تەسلیم بکەن و سەرقاڵی باسکردنن لە چەکی ئەتۆمی،ئەمان ناتوانن ئەوە قوبڵ بکەن هەندێ دەوڵەت کە بەتەواوی سیستەمە بانکیەکەیان واتە گیرفانیان تەسلیم نەکردوە بە ئەمریکاو ئەوانەی ئەمریکا وسیاسەتەکەی ڕەسم دەکەن،ناتوانن ببنە خاوەنی ئەتۆم و خەتەریات لەسەر خودی ئەو سیستەمە جیهانیە دروست بکەن،کەواتە شەر لەگەڵ ئێران یان کۆریای باکور لەبەر دیکتاتۆریەتی ئەو جوتە نیە،هەروەک چۆن ڕوخاندنی سەدام و قەزافی لەبەر دیکتاتۆریەت نەبوو،تەنها لەبەر ئەوەیە کە تەسلیم نابن بە بەرژەوەندیەکانی ئەوان و کەلە ڕەقی دەکەن،هەتا حەساردانانی دەیان سالە لەسەر کوباو کاسترۆ،بەرهەمی تەسلیم نەبونی ئەوان بو بە ئیرادەی ئەمریکاو هاوکارەکانی. بە تەسلیم بونی ئێران و کۆریا،سەرمایەداری جیهانی بە ڕێبەرایەتی ئەمریکاو ئیسرائیل دوا بزماری خۆیان دەدەن لە تابوتی بەشەریەت ودەستی تەسلیم بونیان پێهەڵدەبڕن، ئەوەی لەم نێوەندەدا دەمێنیتەوە وڵاتی چین دەبێت،پرسەکە ئەوەیە ئایە چین وەک دێویک دەمێنێتەوە یان ئەویش تەسلیم دەبێت؟.

ئارام ئەحمەد

28/07/2017

تایبەتمەندییەکان: بابەتی هەڵبژاردە

زیادکردنی وەڵام